„ერთიანი ნაციონალური მოძრაობის“ მიერ საქართველოსთვის ეკონომიკური
საბოტაჟის მოწყობის მცდელობასთან დაკავშირებით:
- „ნაციონალურ მოძრაობას“ სულ უფრო და უფრო უჭირს საქართველოს
საერთაშორისო წარმატების და აღიარების მიჩქმალვა.
ფაქტები ყველაფერზე მეტყველებს - სწორედ „ქართული ოცნების" ხელისუფლებამ
უზრუნველყო ვიზალიბერალიზაცია, თავისუფალი ვაჭრობა ევროკავშირთან და
ჩინეთთან; ასევე, თავისუფალი ვაჭრობაზე, ინტენსიური სამუშაო პროცესია
დაწყებული ამერიკის შეერთებულ შტატებთანაც.
- ავტორიტეტული, საერთაშორისო სარეიტინგო და კვლევითი
ორგანიზაციები, საქართველოს- მის მმართველობას, გამჭვირვალობას,
კორუფციასთან ბრძოლას, უსაფრთხოებას, დემოკრატიის ხარისხს, სასამართლოს
და ა.შ. მრავალ განვითარებულ ქვეყანაზე, მათ შორის ევროკავშირის არაერთ
წევრ ქვეყანაზე მაღალ შეფასებას აძლევენ.
- „ერთიან ნაციონალურ მოძრაობას“ აღნიშნული პროგრესის
ფეიკ-ნიუსებით გადაფარვა სულ უფრო და უფრო უჭირს, რადგან ამ მტრული ძალის
მთავარი პროპაგანდისტული მანქანის - „რუსთავი 2“-ის გარდა, ქვეყანაში
არსებობს სხვა მედიასაშუალებები, გახსნილია მედია სივრცე და
უზრუნველყოფილია სიტყვის თავისუფლება. რაც მთავარია, გვყავს საღად
მოაზროვნე საზოგადოება, რომელიც ყველაფერს კარგად ხედავს. სწორედ ამიტომ,
მოდელირებული რეალობის შექმნასთან ერთად, სააკაშვილი-ბოკერია-გვარამიას
აუცილებლად მიაჩნიათ, რომ ქვეყანას, მოსახლეობას, რეალური, ხელშესახები
ზიანი მიაყენონ.
- სწორედ ამას ემსახურება სახელმწიფო გადატრიალების მცდელობა,
დესტაბილიზაცია და არეულობის ინსპირაცია, რაც პირდაპირ აისახება როგორც
მოსახლეობის, ასევე ინვესტორების ეკონომიკურ განწყობებსა და ქმედებებზე.
- ყველამ ვიხილეთ, რომ ეს საოკუპაციო ძალა უკადრებელს კადრულობდა
და ყველაფერზე მიდიოდა, რათა რუსეთი გამოეწვიათ და ეიძულებინათ, ჩვენი
ქვეყნისა და მოსახლეობისთვის უმძიმესი სანქციები დაეწესებინა.
ეს მოიტანდა ეკონომიკურ სიდუხჭირეს, ეროვნული ვალუტის გაუფასურებას, რაც
სრულად შეარყევდა საქართველოს, თითოეული ოჯახის ეკონომიკურ
მდგომარეობას!
- მარტივად რომ ვთქვათ, არეულობით, სახელმწიფო გადატრიალების
მცდელობით მათ სცადეს ქვეყნისთვის ეკონომიკური საბოტაჟის მოწყობა,
თავიათი გეგმის განხორციელების შემთხვევაში კი, შექმნილ მძიმე ვითარებას,
რასაკვირველია, კვლავაც ხელისუფლებას დააბრალებდნენ!
- მათი ქმედებები არამხოლოდ რუს ტურისტების ნაკადის შემცირებაზე
იყო გათვლილი, არამედ მთელი მსოფლიოდან როგორც ტურისტების, ასევე
ინვესტიციების შემოდინების შეფერხებას, საერთაშორისო რეიტინგებში ქვეყნის
პოზიციების შესუსტებას და საქართველოს უსაფრთხო ქვეყნის სტატუსის კითხვის
ნიშნის ქვეშ დაყენებას ისახავდა მიზნად.
ამიტომ მოაწყობენ საპროტესტო აქციებს სულ 10, 20 და 50 ადამიანიც რომ დარჩეს.
- სააკაშვილი-ბოკერია-გვარამიას ტანდემი, ანუ „ერთიანი
ნაციონალური მოძრაობა“ არის საქართველოს მტერი, საოკუპაციო ძალა, მეხუთე
კოლონა, რომელიც ერთხელ უკვე შემოუძღვა რუსის ჯარს საქართველოში, ახლა კი
რუსეთს პრაქტიკულად აიძულებდა საქართველოსთვის ეკონომიკური სანქციები
დაეწესებინა.
- საქართველოსა და ქართველების, ჩვენი იდენტობის სიძულვილით
გაერთიანებული „ნაციონალური მოძრაობა“ კვლავაც იმ მტრულ ძალად რჩება,
რომელიც, მუდმივად ცდილობს, რომ საქართველო ისეთ კონფლიქტში ჩაითრიოს
რუსეთთან, რომელშიც ქვეყანა და ხალხი დაზარალდება.
- პირველად ამ მავნებლური პოლიტიკის განხორციელება 2003 წელს
დაიწყეს, როდესაც რუსეთი (ირაკლი ოქრუაშვილის განცხადება) „ფეკალური
მასების“ მომხმარებლებად, მათი პრეზიდენტი კი „ლილიპუტინად“ მონათლეს,
რასაც მოყვა ეკონომიკური ემბარგო და ქართველების მასობრივი გამოსახლება
რუსეთიდან. საბოლოოდ ეს პროცესი 2008 წელს ჩვენი ძირძველი კუთხეების
ოკუპაციით დასრულდა.
- მათ კარგად იციან, რომ საქართველოს ეკონომიკაზე რუსეთს შეუძლია
იმოქმედოს ორი გზით - პირველი, როგორც 2012 წლამდე ხდებოდა, როდესაც
„ნაციონალურმა მოძრაობამ“ რუსეთს სტრატეგიული ობიექტების უმეტესობა
ჩააბარა; მეორე, როდესაც რუსეთი ბაზარს მთლიანად გიკეტავს, რაც ძალიან
აზიანებს ქვეყნის ეკონომიკასა და მოსახლეობას.
დღეს, სააკაშვილ-ბოკერია-გვარამიას ტანდემს, სწორედ ეს მეორე ზრახვა
ამოძრავებს, რომ ქვეყანა გაჭირვებით და დესტაბილიზაციით არყიოს.
საბედნიეროდ, სახელმწიფო თავის სიმაღლეზე დგას და „ერთიანმა ნაციონალურმა
მოძრაობამ“ ვერც სახელმწიფო გადატრიალების მოწყობა და ვერც ქვეყნის
ეკონომიკური საბოტაჟი ვერ შეძლო!